Шинжлэх Ухаан Технологийн Их Сургууль, "Оюу толгой" болон "Рио Тинто Монгол" компаниуд гурван талт хамтын ажиллагааны гэрээний хүрээнд Геотехникийн мэргэжлийн боловсон хүчнийг дотооддоо бэлтгэх, уул уурхайн судалгааны төвийг байгуулах 2.4 сая ам долларын санхүүжилттэй хамтарсан төслийн хүрээнд сургуулийн материаллаг бааз суурийг бэхжүүлэх, багш оюутны дадлагын нөхцөлийг сайжруулах зорилго бүхий 366 мянган ам.долларын нэмэлт санхүүжилтээр тохижуулсан Геотехникийн туршилт, судалгааны лаборатори  нээжээ. 

     Уг лабораторид олон улсад хүлээн зөвшөөрөгдсөн чулуулгийн шинжилгээний төхөөрөмжүүд суурилуулсан бөгөөд багш, судлаач, оюутнуудын судалгааны ажлыг үйлдвэрлэлтэй ойртуулах, Монгол орны байгалийн тогтоц, чулуулгийн бүтцийн онцлогийг илүү нарийвчлан судалж, үйлдвэрлэлд ашиглах бодит боломжийг бүрдүүлж өгч байгаагаар онцлог юм.